டி.வி. சீரியல்களில் நடித்து பிரபலமான நடிகை மைனா நந்தினிக்கு குழந்தை பிறந்துள்ளதால், அவருக்கு ரசிகர்கள் வாழ்த்து தெரிவித்து வருகின்றனர்.
வெண்ணிலா கபடி குழு படத்தில் நகைச்சுவை நடிகர் சூரி ஜோடியாக நடித்தவர் நந்தினி. வம்சம், கேடி பில்லா கில்லாடி ரங்கா ஆகிய படங்களிலும் நடித்துள்ளார். டி.வி. தொடர்களில் நடித்தும் ரசிகர்கள் மத்தியில் பிரபலமானார். டி.வி. தொடரில் மைனா என்ற கதாபாத்திரத்தில் நடித்ததன் மூலம் மைனா நந்தினி என்று இவரை அழைத்தனர்.
மூன்று வருடங்களுக்கு முன்பு ஜிம் மாஸ்டர் கார்த்திகேயன் என்பவரை நந்தினி காதலித்து திருமணம் செய்துகொண்டார். திருமணமாகி ஒரு வருடத்திலேயே கார்த்திகேயன் குளிர்பானத்தில் விஷம் கலந்து குடித்து தற்கொலை செய்துகொண்டார். இது பட உலகில் பரபரப்பை ஏற்படுத்தியது.
கணவர் இறந்து சில மாதங்களுக்கு பிறகு மீண்டும் டி.வி. தொடர்களில் நடிக்க தொடங்கிய மைனா, டி.வி. நடிகர் யோகேஷ் என்பவரை கடந்தாண்டு காதலித்து திருமணம் செய்து கொண்டார்.
இந்நிலையில், கர்ப்பமாக இருந்த மைனா நந்தினிக்கு ஆண் குழந்தை பிறந்துள்ளது. இந்த தகவலை அவரின் கணவர் யோகேஷ் சமூக வலைதள பக்கத்தில் தெரிவித்துள்ளார். நந்தினிக்கு குழந்தை பிறந்த தகவல் அறிந்த ரசிகர்களும் பிரபலங்களும் அவருக்கு வாழ்த்து தெரிவித்து வருகின்றனர்.
Source : https://cinema.maalaimalar.com/cinema/cinemanews/2020/09/06132614/1855275/Myna-Nandini-blessed-with-baby-boy.vpf