இழுக்க இழுக்க இன்பமன்று
இழுக்க இழுக்கத் துன்பம்
சிகரெட் !
புண்பட்ட மனதைப் புகை விட்டு
புண்ணாக்காதே மேலும்
சிகரெட் !
விரைவில் சாம்பலாவாய்
உணர்த்தும் சாம்பல்
சிகரெட் !
புகையில் வளையம்
உனக்கான மலர்வளையம்
சிகரெட் !
நடிகரைப் பார்த்துப் புகைக்காதே
உன்னை நீயே புதைக்காதே
சிகரெட் !
உனக்கு மட்டுமல்ல
சுற்றி இருப்பவருக்கும் நோய்
சிகரெட் !
வெள்ளையன் கற்பித்த
வெள்ளை உயிர்க்கொல்லி
சிகரெட் !
எந்தப் பெண்ணும்
என்றும் விரும்பவில்லை
சிகரெட் !
தூக்கம் வர விழிக்க
தயாரிக்கவில்லை
சிகரெட் !
ஆதியில் இல்லை
பாதியில் வந்த தொல்லை
சிகரெட் !
தீங்குத் தரும் கங்கு
தீண்டாது ஒதுங்கு
சிகரெட் !
உடல் நலத்திற்குக் கேடு
உடனே சிந்தித்து விட்டுவிடு
சிகரெட் !
முயன்றால் முடியும்
முடிவெடு வேண்டாம் என்று
சிகரெட் !
நன்றி
கவிஞர் இரா.இரவி
![](https://tamildeepam.com/wp-content/uploads/2020/05/tamildeepam-flex-logo.png)