தங்கத்திற்கு அடிமையாகாமல் இரு பெண்ணே
சிங்கப்பெண்ணே சாதிக்கப் பிறந்தவள் நீயே !
தொலைக்காட்சி தொடர்கள் பார்க்காதே பெண்ணே
தொலைத்தரும் காட்சிகள் உன் கண் முன்னே !
புராணப் புரட்டுகளை நம்பாதே பெண்ணே
புத்தியை பகுத்தறிய பயன்படுத்திடு பெண்ணே !
அடுப்படியிலேயே முடங்கி விடாதே பெண்ணே
அதையும் தாண்டி சாதிக்க வேண்டும் பெண்ணே !
தாழ்வு மனப்பான்மையை அகற்றிடு பெண்ணே
தன்னம்பிக்கை மனதில் பெற்றிடு பெண்ணே !
கல்வியை கற்றிடத் தயங்காதே பெண்ணே
கற்ற கல்வி கை கொடுக்கும் பெண்ணே !
உனக்குள்ள திறமையை அறிந்திடு பெண்ணே
ஒருமனதாக அதில் முயன்றிடு பெண்ணே !
சமைக்க மட்டும் பிறந்தவள் அல்ல பெண்ணே
சாதித்து வியக்க வைக்க பிறந்திட்ட பெண்ணே !
நன்றி
கவிஞர் இரா.இரவி
![](https://tamildeepam.com/wp-content/uploads/2020/05/tamildeepam-flex-logo.png)