நிலவு கவிஞர் இரா .இரவி
நிலவு
காதலிக்கு உவமை
கண்ணுக்கு இனிமை
நிலவு !
பாடாத கவிஞர் இல்லை
பாடதவர் கவிஞரே இல்லை
நிலவு !
கண்ணால் காண்பதும் பொய்
வளரவுமில்லை தேயவுமில்லை
நிலவு !
அல்லியை மட்டுமல்ல
அனைவரையும் மலர்விக்கும்
நிலவு !
சூரியனின் கண்ணாடி
சுடாத சுடரொளி
நிலவு !
வானில் மட்டுமல்ல
குளத்திலும் மிதக்கும்
நிலவு !
தூரத்தில் இருந்தாலும்
துயரம் போக்கும்
நிலவு !
பார்த்தால் பரவசம்
பார்த்தவர் உள்ளம் தன்வசம்
நிலவு !
வானத்து தோசை
சுவைத்திட ஆசை
நிலவு !
பார்வைக்கு வெண்மை
மனிதர்கள் இல்லை உண்மை
நிலவு !
கூடவே நடக்கும்
நின்றதும் நிற்கும்
நிலவு !
எட்டத்தில் இருந்தாலும்
ஒட்டி இருப்பதாக உணர்வு
நிலவு !
காதலர்களின்
காதல் சாட்சி
நிலவு !
புற இருள் மட்டுமன்றி
அக இருளும் அகற்றும்
நிலவு !
என்றும் குழந்தைக்குச் சோறுட்ட
இன்று ஆய்வுக்கும்
நிலவு !
நன்றி கவிஞர் இரா.இரவி
