குறும்பா. ஹைக்கூ ! கவிஞர் இரா .இரவி !
குறும்பா. ஹைக்கூ !
அர்த்தமில்லை
மண் பார்க்கச் சொல்வதில்
விண்வெளியில் பெண்கள் !
தயங்குவதில்லை
தடைகள் கண்டு
எறும்புகள் !
ஒழிந்தது தந்தி
ஒழியுங்கள்
வதந்தி !
மேகம் மறைத்த
நிலாக்கள்
முகமதியர் !
கவிதையே
கவிதை ரசித்தது
என்னவள் !
மரம் கனி தந்தது
கல் எறிந்தவனுக்கு
மனிதன் ?
தேசமெங்கும் இருப்பதால்
தேசியப் பறவையோ ?
கொசு !
தேயவுமில்லை வளரமில்லை
தேய்பிறையில் வேண்டாம் எனல்
மூடநம்பிக்கை !
.
தெரியவில்லை அடையாளம்
தப்பித்தேன் அறுவையிடம்
தலைக்கவசம் !
இலங்கையில் விசித்திரம்
கொலைகளை விசாரிப்பது
கொலையாளியே !
உடைக்காமலே பெருங்கல்
சிறுகல்லானது
ஆற்றின் உருட்டலால் !
பத்துப் பொருத்தம் பார்த்து
முடித்த இணைகள்
மணமுறிவு வரிசையில் !
யாரோ என்று
பயந்தான் சிறுவன்
நிழல் கண்டு !
நன்றி கவிஞர் இரா.இரவி
