வருமானம் ! கவிஞர் இரா .இரவி !
வரவேண்டும் அறவழியில்
வரக்கூடாது பிறவழியில்
வருமானம் !
குறுக்கு வழியில் சேர்த்தால்
எண்ண வேண்டும் கம்பி
வருமானம் !
நிலைத்து நிற்கும்
நேர் வழியில் வருவது
வருமானம் !
வேகமாக வருவது
வேகமாகவே போய்விடும்
வருமானம் !
அரசு ஊழியருக்கு வரி உண்டு
வணிகர் சிலர் காட்டுவதில்லை
வருமானம் !
மூச்சு உள்ளவரை
முறையாகச் சேர்க்கலாம்
வருமானம் !
மானம் விற்று
வருவது அவமானம்
வருமானம் !
அடுத்தவரை அடித்துச் சேர்த்தால்
அழிவது உறுதி
வருமானம் !
வெள்ளையாக இருத்தல் அறம்
கருப்பாக இருந்தால் சிறை
வருமானம் !
சேர்க்கின்றனர் சொத்து
காட்ட முடிவதில்லை கணக்கு
வருமானம் !
ஏழைக்கு எட்டாக்கனியானது
பணக்காரனுக்கு பறிக்கும் கனியானது
வருமானம் !
வராதபோது
வாழ்வாதாரம் வினாக்குறியாகும்
வருமானம் !
குடிகாரனுக்கு அவமானம்
அரசுக்கோ
அமோக வருமானம் !
பணக்காரன் மேலும் பணக்காரன்
ஏழை மேலும் ஏழை
வருமானம் ?
நன்றி கவிஞர் இரா.இரவி
