வாழ்வியல்

உலக தந்தையர் தினம் !

father tamil deepam 1

அன்புள்ள அப்பா ! கவிஞர் இரா .இரவி !

அறிவு தந்த அன்புள்ள அப்பா நீங்கள் !
ஆற்றல் ஈந்த அன்புள்ள அப்பா நீங்கள் !
உருகும் உன்னத மெழுகு நீங்கள் !
தேயும் ஒப்பற்ற சந்தனம் நீங்கள் !

தன்னலமற்ற தியாகத்தின் சின்னம் நீங்கள் !
திறமைகளை பயிற்று வித்த ஆசான் நீங்கள் !
சான்றோனாக்கி மனம் மகிழ்ந்தவர் நீங்கள் !
சந்தோசங்களை வழங்கிய வள்ளல் நீங்கள் !

ஓய்வறியாது உழைக்கும் செம்மல் நீங்கள் !
ஒரு நாளும் கவலை கொள்ளாதவர் நீங்கள் !
கடமையைக் கச்சிதமாய் முடித்தவர் நீங்கள் !
மடமையை முழுமூச்சாய் எதிர்த்தவர் நீங்கள் !

பகுத்தறிவை எனக்கு கற்பித்தவர் நீங்கள் !
மூடநம்பிக்கை அகற்றி தன்னம்பிக்கை தந்தவர் நீங்கள் !
எதையும் ஏன்? ஏதற்கு? எப்படி? என்றவர் நீங்கள் !
எவருக்கும் அஞ்சாமல் வாழ்பவர் நீங்கள் !

வாழ்வியல் கருத்துக்களை வழங்கியவர் நீங்கள் !
வாழ்வாங்கு வாழ்ந்து காட்டுபவர் நீங்கள் !
உலகிற்கு வரக் காரணமானவர் நீங்கள் !
உலக அறிவை உணர்த்தியவர் நீங்கள் !

“அப்பா” உறவிற்கு இலக்கணம் வகுத்தவர் நீங்கள் !
அன்பை பொழிவதில் இமயத்திற்கு நிகர் நீங்கள் !

தந்தை ! கவிஞர் இரா .இரவி !

மகனுக்கு அறிவைக் கற்பிப்பிவர் தந்தை !
மகனுக்கு உலகை உணர்த்துபவர் தந்தை !

குடும்ப பாரம் தலையில் சுமப்பவர் தந்தை !
குடும்பத்தின் தலைவராக விளங்குபவர் தந்தை !

தன் குடும்ப மானம் காப்பவர் தந்தை !
தன்னைப் பற்றிய கவலையின்றி வாழ்பவர் தந்தை !

உப்பு மூட்டை சுமந்து விளையாடுபவர் தந்தை !
உப்பெனெ வாழ்வின் அவசியமானவர் தந்தை !

நெறிப்படுத்தி நல்வழி காட்டுபவர் தந்தை !
நன்மை தீமை எடுத்து இயம்புபவர் தந்தை !

தோழனாக இருந்து தோள் கொடுப்பவர் தந்தை !
துவண்டால் தன்னம்பிக்கைத் தருபவர் தந்தை!

வாழ்வியல் உண்மைகளைப் போதிப்பவர் தந்தை!
வாழ்வில் மறக்க முடியாத உன்னதஉறவு தந்தை !

வாடினால் வாட்டம் போக்குபவர் தந்தை !
வளங்களை வழங்கி மகிழ்பவர் தந்தை !

எதிர்நீச்சலிட்டு முன்னேற்றுபவர் தந்தை !
எப்பாடுபட்டாவது உறவுகளைக் காப்பவர் தந்தை !

பொறுப்பை உணர்ந்து நடப்பவர் தந்தை !
பொறுப்பை மகனுக்கு உணர்ர்துபவர் தந்தை !

ஈடு இணையற்ற ஒப்பற்ற உறவு தந்தை !
ஈன்றவளுக்கு இணையான உறவு தந்தை !


Warning: Attempt to read property "term_id" on bool in /home/u859506492/domains/tamildeepam.com/public_html/wp-content/themes/flex-mag/functions.php on line 982
Click to comment

Leave a Reply

Your email address will not be published. Required fields are marked *

Comment on gist

Most Popular

Tamil Deepam

started to provide the news updates in neutral view for the larger online community of users in Tamil Nadu,India and all over the World.

About Us

TamilDeepam.com was started to provide the news updates in neutral view for the larger online community of users in Tamil Nadu,India and all over the World. We identified this online opportunity used to give the awareness in all aspects to the tamil speaking people.

Copyright © 2021 TamilDeepam.com, powered by Wordpress.

To Top